日本 récolte嘅產品一向外表都好煞食,
今次收到佢地新出嘅RUND Classic小焗爐都一樣,
懷舊復古風格嘅優雅外表最吸引我呢啲脫俗嘅文青
開鮑嘅時候順便拍埋條血脈沸騰嘅開箱片同大家一齊興奮下

掣就得一個,就係時間掣,佢的確係無得較溫度嘅。
不過récolte香港個小編竟然話佢最高可到250°C﹑恆溫200°C,
之後用落我都會試下佢有無吹水,如果有大家可以尋佢仇
雖然個爐細細粒,不過都有啲好貼心嘅設計
層架個手柄放咗喺機身外面,
唔使伸手入焗爐就可以拉出嚟,唔怕辣親我對肉手
底盤仲可以拉出嚟清麵包碎,唔使乾坤大挪移咁dun個爐

之後會同佢埋牙試下佢龍與鳳
有伏嘅一定同大家包膠包膠!

(Visited 579 times, 2 visits today)