👋過咗母親節,係時候開始預備包粽、買粽、食粽喇!
我呢就唔識包粽嘅,好多謝奇華大時大節又記得我,
早排仲送咗幾粒五月粽嚟,
包括今年新出嘅「西班牙黑毛豬瑤柱粽」同「姬松茸藜麥素粽」,好新奇呀!
「西班牙黑毛豬瑤柱粽」
鍾意試新嘢嘅我睇晒咁多粒粽之後,
第一隻想試嘅梗係呢隻西班牙黑毛豬瑤柱粽。
西班牙喎!粽喎!西班牙crossover粽喎!
拆袋之後放入熱水度烚返熱就得,
用電飯煲又快又唔使開火搞到廚房熱辣辣好方便。
食落其實係無西斑牙風味㗎😅
有一大粒豬肉,偏瘦,無肥膏,有豬肉香,質地札實但我覺得有少少乾。
有原粒瑤柱,都算大大地粒。
仲有好多豆,真係好多,不過我自己本身唔多鍾意食豆,
而且呢個粽入面無鹹蛋黃,無油香嘅粽唔是我杯茶,
個名雖然特別但有少少失望😞
但如果唔鍾意食肥肉又唔食鹹蛋黃嘅話,應該會鍾意呢款!
「極上珠姐XO醬五花腩肉粽」
食完隻黑毛豬棕之後,梗係開隻肥啲嘅嚟食,出嚟啦!五花腩!
之前都試過珠姐XO醬都知佢整得幾香,
呢款粽入面仲有痴住肥肉嘅五花腩,肥得嚟又唔係好過份肥,
仲有鹹蛋黃呀!係鹹蛋黃呀!不過個黃唔係好香又唔係好油潤😲
粽入面加咗XO醬,微辣惹味,第一次食覺得比平時嘅粽特別。
不過點解唔加多粒瑤柱落去呢?(貪心)
「雙黃金華火腿瑤柱裹蒸粽」
好大隻,傳統嘅味道,入面有打孖上嘅鹹蛋黃、原粒瑤柱、冬菇、金華火腿、五花腩等等。
正正常常無乜驚喜無乜投訴,
不過同樣今次個黃都唔係好香又無油。
食咗三隻,我自己最鍾意「極上珠姐XO醬五花腩肉粽」,因為最香係佢👏,唔覺唔覺就食晒成隻。
#非自購 #真感想

(Visited 121 times, 1 visits today)