【食譜】唧花牛油曲奇

書面語食譜連結

呢個係基本款既曲奇餅，鬆化，牛油味重
有少少似好出名熊仔罐果種曲奇餅咁
容易做之餘唧花上可以好多變化
我只係做左其中一款出黎
其實可以隨意用唔同樣既唧咀同方法做出唔同既樣
粉類上調整做成唔同既口味亦可以

1. 預熱焗爐至攝氏170 度。低筋麵粉，粟粉同鹽攪勻然後過篩去除粉粒
   

2. 牛油用電動打蛋器高速打約 1 分鐘至軟滑
   

3. 全程用高速打多大約 7 分鐘，其間分 3 次加入糖粉，最後加入雲尼拿香油。呢個步驟完成後牛油應該體積變大，顏色變淡，非常軟滑咁既樣。而手指點上少少捽起黎唔會有一粒粒糖
   

4. 轉用膠刮(或大木匙)，分 3 次加入已篩好既粉類，每加一次粉用打圈攪至啱啱見唔到乾粉就可以停手
   

5. 粉漿加入已放左唧咀既唧袋入面
   

6. 平均如圖唧好約 13 – 15 塊既粉量喺已經鋪左牛油紙既焗盤上面，於入已經預熱至攝氏170 度既焗爐入面焗大約 15 分鐘
   

   

7. 出爐等幾分鐘後放喺網架上面放涼就搞掂
   

• 金桶牛油做出黎既會特別鬆化同香牛油味，喺烘焙鋪頭或者有時賣東南亞貨品既鋪頭會有，喺某啲百佳都有見過
  佢質地比較似查麵包果種軟牛油，不過佢正常唔需要雪住
  天氣熱佢會變到好軟身，如果廿幾度我都唔會雪住佢
  如果好熱果陣，因為佢太軟打多陣就會太過水，我做前會雪佢一陣等佢襟打啲
  

• 如做呢一種花可以用六角或八角中/大花唧咀，我用緊果隻係呢個樣

  

  當然你可以用唔用既咀唧唔同既樣，但小心同一盤最好唧差唔多大細厚薄既等佢焗得平均啲
  而唔同大細厚薄既唧花焗既時間可能有啲唔同，要小心留意出爐時間

• 個個焗爐火力都唔同，我個溫度時間係我無開熱風對流果陣用既數字，其實識得調較溫度同時間，唔駛一定要跟足食譜