【食譜】拿破崙意粉

呢種意粉同拿破崙一啲關係都無
傳說呢個做法係二戰果陣，日本一間酒店既大廚煮畀美軍個大粒佬食，然後個食譜再流傳到民間
而又因為打完仗無啖好食，日本人將蕃茄改成茄汁，然後改下改下就變到而家咁
真唔真都好啦，整呢個意粉又平又快又好味係真嘅，無呃你！

影片：

1. 首先煮滾一大鍋水。
   把洋蔥、火腿、甘筍和青椒切絲。蒜頭壓成蓉備用。
   水滾後加少許鹽，下意粉，按包裝指示的時間減去 2 分鐘煮熟意粉。
   
    
2. 煮意粉的同時，以中火燒鐵鍋子，下少許油，油熱後下洋蔥炒約 3 分鐘至軟身。
   
    
3. 下火腿、甘筍和青椒同炒 1 – 2 分鐘。
   
    
4. 下蒜蓉同炒 1 – 2 分鐘至有香氣。
   
    
5. 意粉煮夠時間後，先留下 2 湯匙煮意粉的水。把意粉隔水下鍋同炒。
   
    
6. 把鰹魚粉和上一步留下煮意粉的水拌勻，倒入鍋中炒勻。
   
    
7. 下茄汁和糖炒勻，再加入巴馬臣芝士粉炒勻即可上碟。享用前可隨意灑上更多巴馬臣芝士粉。
   
    

• 吃辣的朋友可於加入茄汁時同時加入適量辣椒仔辣汁更惹味！