【食譜】簡易冷盤 – 麻油火雞腎

話說我細個去親海洋公園，我媽媽一定會整白雲雞翼同埋雞腎去一齊食
然後我地就會喺搭吊車果陣喺度「損」雞翼同咬雞腎
呢啲就係我對凍雞腎既回憶，印象中好好食架
大個問返媽媽先知，原來佢只係烚熟左啲野，然後再捽啲雞粉落去再雪凍佢…

1. 預備一鍋水，把薑切片以拍鬆，把乾蔥頭去掉頭尾去皮切半。把薑片和乾蔥頭放入水中，蓋上把水煮滾。
   
2. 水滾後放入已解凍的火雞腎，下酒，以中火煮以水再次完全滾起後調至小火，蓋上煮熟十分鐘至火雞腎熟透，即以叉子插至火雞腎的中心，拔出叉子後擠壓火雞腎等數秒如沒血水流出即表示它熟透。
   
3. 把火雞腎撈起放到冰水中浸泡，降溫至可用手處理的溫度。
   
4. 去除火雞腎頭尾較硬及偏白的筋，用手感受一下表面如有較硬的筋膜亦需去掉。
   
5. 把火雞腎切片，浸泡於冰水中置於雪櫃備用。
   
6. 把蔥和辣椒切粒，把蒜頭去皮壓成蓉。把雞腎隔去水份，加入蔥粒、辣椒粒和蒜蓉拌勻。
   
7. 鍋中加入麻油、豉油、蠔油和糖拌勻，以小火加熱，拌至糖溶即成醬汁。
   
8. 把醬汁加入火雞腎中，加入芝麻拌勻，包好置於雪櫃 2 小時以上即成。