雖然聽個名都知我唔怕肥,但我都唔會餐餐食煎炸嘢,其實我都好鍾意蒸嘢食。
因為通常啲家常蒸小菜都好簡單,hea煮都唔覺,仲要唔伏得去邊,
擺得靚靚咁落去蒸,蒸出嚟碟嘢都係咁上下樣,完全零技巧。
我呢啲脫俗嘅人梗係唔係貪蒸嘢健康啲啦,最緊要係乜嘢呀?
係乾手淨腳呀!唔會整到個廚房油淋淋抹餐死,仲要唔使洗油鑊,慳咗啲時間仲可以打多兩鋪機添!

嗱,介紹返,Bosch你地識喇掛?!德國高級家電品牌Bosch喎!唔識同我出返去!
Bosch一向推崇健康飲食,而家仲搞咗個「蒸」選健康食譜創作大賽2017,鼓勵大家分享蒸煮健康菜式。
如果你地有啲有創意、有賣相﹑仲要有營養價值嘅蒸煮菜式就真係唔好收數埋埋,快啲參加呢個比賽,
容乜易畀你贏埋部Bosch Series 8蒸焗爐走呀?!價值三萬六千八!係三萬六千八呀!
唔想咁高調拎大獎都有其他筍嘢,好似OptiMUM廚師機同Bosch手提攪拌棒等等。
得獎名額有10個,參加未必有獎,唔參加就一定無!機率點都高過中六合彩頭獎。
快啲去活動網頁交食譜啦: http://bit.ly/2eYBqOs
(本帖由Bosch Home贊助)

 

份量:30隻
材料
半肥瘦免治豬肉 300 克
1 茶匙
生粉 1 1/2 茶匙
白胡椒粉 1 小撮
豉油 5 茶匙
1/2 茶匙
料理酒(如玫瑰露﹑米酒等) 1 茶匙
蛋白 1 隻
2 湯匙
生油 1 1/2 茶匙
粟米粒 130 克
餃子皮 30 塊

 

  1. 把糖﹑生粉和白胡椒粉加入豬肉中拌勻。
  2. 把豉油﹑鹽和料理酒加入豬肉中拌勻。
  3. 把蛋白加入豬肉中拌勻。
  4. 分兩次加入水:第一次加入水份後,循同一個方向攪拌豬肉,待水份都被豬肉吸收後,加入剩餘的水份,繼續循同一個方向攪拌豬肉至水份吸收及豬肉有黏性。然後靜置五分鐘。
  5. 加入生油拌勻後,加入粟米粒拌勻即成餃子肉餡。
  6. 以餃子皮包好餃子。

     

     
  7. 把餃子放入已鋪上蒸籠紙的蒸籠內,煮滾水後,以大火隔水蒸12 – 15 分鐘即成。

     

 

  • 用免治豬肉較方便,使用手剁的豬肉質感更好。
  • 依以上次序加入調味料﹑蛋白和水份,可以讓豬肉充份吸收各種材料的味道。各個攪拌豬肉的步驟需按同一個方向攪拌豬肉。
  • 如沒有蒸籠,可用碟來盛載。只需把餃子放在碟前,先在碟上薄薄塗一層油即可。
  • 餃子之間需要隔開放,避免蒸好後餃子黏起來。
(Visited 3,758 times, 15 visits today)