【食譜】蕃薯粟米濃湯

書面語食譜連結

天氣開始凍，用罐頭湯整個懶得黎又好好味既湯，好滿足！

1. 蕃薯去皮切邊成長唔大於 2 cm既方粒，洋蔥切粒，煙肉切條。
   
    
2. 中火燒熱鍋，落少少油，油熱後落煙肉炒 1 – 2 分鐘到開始出油，之後加洋蔥炒到透明軟身。
   
    
3. 同時加入粟米湯﹑蔬菜上湯同蕃薯，煮到滾起之後蓋住轉到慢火煮多 15 分鐘至蕃薯淋身熟透。
   
    
4. 打開，加入粟米粒煮到再次滾起後，加黑胡椒碎（如有需要同時加鹽）攪勻。
   
    
5. 熄火，邊攪邊加入淡忌廉，試味調整後即成。
   
    

• 最好唔好用牛奶代替淡忌廉，因為完全唔同質地同味道，落淡忌廉好味好多！
• 用當造既黃肉蕃薯，好甜好好味！
• 如果無蔬菜上湯可以用水代替，但要加返少少鹽調味。