地址:土瓜灣北帝街27號C地舖

我好鍾意食羊,講咗嚟呢間喺土瓜灣專食新疆菜嘅鋪頭好多年,終於都試到喇!
左上 – 清真古法極品燒羊鞍 4支骨 ($199) 第一啖咬落去驚為天人嘅感覺,非常juicy又嫩又腍,唔羶,陣陣香料味。食頭果幾啖我真心覺得係可以介紹朋友嚟食嘅水準。不過,我啲寒酸肥女係會啜撚埋條骨嘅,咁啜咗兩啜……條脷就乸乸地……係咪有……鬆肉粉,定係某啲香料嘅附加效果呢?!
左下 – 羊肉炒飯 ($唔記得) 本來叫羊肉手抓飯可惜賣晒🙈所以改咗做呢個羊肉炒飯,其實陣味同個羊咖哩好似😂都係有紅黃青椒一齊炒,其實幾好食,望上去比食落去濃味
右上 – 新疆古法咖哩羊肉 ($116) 個咖哩汁用大量青紅黃椒打爛嚟做,除咗咖哩味多咗陣蔬菜清甜嘅味道,幾特別,入面嘅羊肉有肉味,但無燘腍…唔知係咁專登㗎呢?不過味道來計唔錯
右下 – 家鄉油酥餅 ($31) 都幾細份,佢有烤返香脆不過骨子裡係un嘅……
右中 – 羊奶凍 (跟餐價$6) 好味,滑,濃厚,唔羶
完。
利申: 肥仔請

(Visited 147 times, 1 visits today)