有時無聊發下白日夢都會諗下下一次旅行去邊好,
碌下IG見到唔少釜山美食,
唔只個樣好吸引,價錢仲要好平!

南浦洞豆田裡嫩豆腐
聽講南浦洞係個shopping聖地,
仲有間叫豆田裡嫩豆腐嘅餐廳,
有唔少豆類料理,
好似海鮮豆腐鍋、黃豆豆渣鍋、豆槳冷麵等等,
價值大約都係 8000 won(約HK$60)咁上下,
入面仲有小菜任食,
可以任夾各種泡菜、煎餅、炒年糕,
有時仲會有紅豆粥、甜米露等等飯後甜品。
啱晒shopping到虛脫之後嚟擦返餐!

 

在 Instagram 查看這則貼文

 

🍀(@stokelysan)分享的貼文 張貼

富平罐頭夜市油豆腐包
南浦洞附近仲有個叫富平市場嘅地方,
日頭係個傳統市場,
每晚8點左右就會變身成罐頭夜市。
韓國常見嘅街頭小食魚糕串同魚板呢啲當然有,
仲有呢到獨有嘅油豆腐包,
用油豆腐裝住韓式粉絲、肉餡、蔬菜等等,
再用水芹菜綁起,
好似一個個包袱咁非常可愛,
油豆腐仲吸收晒魚糕湯嘅精華,
好想試呀!

 

在 Instagram 查看這則貼文

 

Chris Lee(@doldol83)分享的貼文 張貼

南浦洞BIFF廣場堅果糖餅
睇過介紹釡山美食嘅韓國綜藝節目,
一定會見過呢種堅果糖餅,
喺煎開嘅糖餅入面塞入滿滿嘅堅果,
真係隔住個mon都想像到嗰種香甜味。
BIFF廣場入面就有幾個賣堅果糖餅嘅攤檔,
行過一定要試下!

 

在 Instagram 查看這則貼文

 

宜靜 林(@linijing)分享的貼文 張貼

機張市場生魚片
釡山近海,去得又點可以唔食生魚片。
雖然釡山有唔少出名食生魚片嘅地方,
好似扎嘎其水產市場、廣安里民樂生魚片中心等等。
但聽講最貼地,價錢最親民嘅其實係機張市場,
同一般水產市場一樣,
都可以喺攤檔買到鮑魚、章魚、
仲有呢到出名嘅松葉蟹、鱈場蟹等等新鮮海鮮,
再拎去附近嘅餐廳交畀佢地料理。
呢度大部份水產都係由漁船直送,
新鮮得嚟又抵食,
真係要bookmark定喺必去list!

 

在 Instagram 查看這則貼文

 

Celia(@celialingcc)分享的貼文 張貼

古來思魚糕
古來思係喺釜山專賣魚糕嘅連鎖店,
形式就好似香港嘅麵包店咁,
唔同類型嘅魚糕放晒喺架上面,
仲有得試食!
試啱口味慢慢夾完拎去畀錢,
之後就可以去自助區翻熱慢慢嘆。
如果想買嚟做手信嘅,
呢度仲有啲獨立包裝嘅急凍魚糕,
啱晒臨上機前嚟掃畀啲親戚朋友!

 

在 Instagram 查看這則貼文

 

嗶波BiBo ㄔㄔㄏㄏ(@bibo_daily)分享的貼文 張貼

睇埋釜山酒店啲價錢普偏都唔算好貴,啱晒窮遊!
揀埋間抵住又畀食店圍住嘅酒店,
真係車都唔使搭都食到爆肚呀!

sponsored by Expedia Hong Kong

(Visited 45 times, 1 visits today)